Swahili Bible2

4

Ruhanga okworeka Musa oku arikora eby’okutangaaza

1Musa yaagarukamu naagira ati: Kwonka nimmanya ngu tibariinyikiriza, n’obu kwakuba okumpurira; ahakuba baryagira bati: MUKAMA tarakweyorekire. 2MUKAMA yaamugira ati: Ekyo eki oine omu ngaro niki? Onu ati: N’enkoni. 3Ruhanga yaamugira ati: Ginagye ahansi. Yaaginaga ahansi; enkoni yaahinduka enjoka; Musa yaagihunga. 4MUKAMA yaamugira ati: Tayo omukono gwawe, ogikwate omukira, (yaatayo omukono, yaagikwata, yaagaruka yaahinduka enkoni omu ngaro ze): 54:5: Kur 19:9. okwo nikwo orikora, bakabona kwikiriza ku MUKAMA Ruhanga wa baishenkurubo, Ruhanga wa Abrahamu, Ruhanga wa Isaaka, kandi Ruhanga wa Yakobo, yaakweyorekire.

64:6: Kub 12:10. Kandi MUKAMA yaamugira ati: Ta omukono gwawe omu kifuba. Yaagutamu; ku yaagwihiremu, yaashanga gubembire nigwera nk’orubaare. 74:7: Bir 32:39; Mat 8:3. Yaagaruka yaamugira ati: Garura omukono gwawe omu kifuba. Yaagugaruramu; ku yaagwihiremu, yaashanga guri nk’omubiri gwe ogundi. 8MUKAMA yaagira ati: Ku bariba batakwikiriize, n’obu kwakuba okwikiririsibwa akamanyiso k’okubanza, baryaikiririsibwa aka kabiri. 9Kandi ku bariba bataikiririsiibwe obwo bumanyiso bwombi, n’obu kwakuba okuhurira ebi orikubagambira, oryatwara aha maizi g’omu mugyera, ogashukye hansi; amaizi ago agu oritaha omu mugyera, garyahinduka eshagama ahari eryo itaka.

Arooni okutumwa kukora na Musa

104:10: Yer 1:6. Musa yaagira MUKAMA ati: Mukama wangye, na ira ryona omwiru waawe nshangwa ntaba mugambi murungi, nangwa n’ahu waatandikira kugamba naanye, ahabw’okuba nyetwara omu kugamba, n’orurimi rwangye runaamuuka. 11MUKAMA yaamugira ati: N’oha owaahangire akanwa k’omuntu? Nari n’oha ohindura omuntu ekiteta, nari ekifamatu, nari shi n’oha omureebesa, nari omuhumya? Tiinye MUKAMA? 124:12: Isa 50:4; Luk 21:14, 15. N’ahabw’ekyo irooko ogyende, ndyaba ndi hamwe n’akanwa kaawe, nkuhabure ebi origamba. 134:13: Yon 1:3. Musa yaagarukamu ati: Mukama wangye, ninkweshengyereza, ou orikwenda kutuma, mutume. 14MUKAMA yaagirira Musa ekiniga kingi, yaagira ati: Arooni mwene sho Omuleevi tariho? Nimmanya we ku arikubaasa kugamba gye. Kandi reeba, hati naija kukubugana; ku araakureebe, naija kwesiimira aha mutima. 154:15: Bir 18:18. Oryaguma omugambire, ote ebigambo omu kanwa ke; naanye ndyaba ndi hamwe n’akanwa kaawe n’ake, mbahabure ebi murikora. 164:16: Kur 7:1. Aryaba ow’okukugambirira abantu, abe akanwa kaawe, naiwe omubeere nka Ruhanga. 17Kandi oryaguma otware enkoni egi omu ngaro, ei orikoresa obumanyiso.

Musa okugaruka Misri

18Musa yaagaruka ahari Yesero ishezaara, yaamugira ati: Ninkweshengyereza, reka ngyende, ngarukye ahari beene waitu abari omuri Misri, ndeebe ku baraabe bakibaho. Yesero yaagira Musa ati: Gyenda n’obusingye. 194:19: Mat 2:20. Kandi MUKAMA yaagambira Musa akiri omuri Midianai ati: Irooko ogarukye Misri, ahabw’okuba abaabaire nibenda kukwita bafiire. 204:20: Kur 17:9; Kub 20:8. Musa yaatwara omukazi we n’abatabani, yaabata aha ndogoya, yaagaruka omu nsi ya Misri; kandi yaatwara egyo nkoni ya Ruhanga omu ngaro ze. 214:21: Rom 9:14-23; Yak 1:13-17. MUKAMA yaagira Musa ati: Ku oraagarukye Misri, otarireka kukorera omu maisho ga Faraho eby’okutangaaza byona ebi nkuhaire kukora; kwonka ndyagangaaza omutima gwe, tarireka bantu kugyenda. 224:22: Hos 11:1; 2 Kor 6:18. Kandi oryagambira Faraho to: Oku nikwo MUKAMA arikugamba, naagira ati: Israeli n’omwana wangye w’omujigaijo; 23kandi ninkugambira nti: Reka omwana wangye agyende, ampeereze; ku oraayangye kumurekura, niinyija kwita omwana waawe ow’omujigaijo.

244:24: Kut 17:14. Ku baabaire nibakigyenda, baahika omu icumbi, MUKAMA yaamushangamu, yaayenda kumwita. 25Zipora yaakwata eibaare ry’obwogi, yaashara ekishushu ky’omubiri gw’omwana we, yaakinaga aha bigyere bya Musa, yaamugira ati: Wampindukira omugore orikujwisa eshagama. 26MUKAMA nikwo kumureka. Zipora akagira ati: Ori omugore orikujwisa eshagama! ahabw’okushara.

27MUKAMA yaagambira Arooni ati: Irooko oze kubugana Musa omu ihamba. Yaagyenda, yaamubugana aha rushozi rwa Ruhanga, yaamunywegyera. 28Musa yaagambira Arooni ebigambo byona ebi MUKAMA yaamutumire, n’obumanyiso bwona obu yaamuragiire kukora. 29Musa na Arooni baagyenda, baateeranira hamwe abakuru b’Abaisraeli boona, 30Arooni yaabagambira ebigambo byona, ebi MUKAMA yaagambiire Musa, kandi yaakorera obwo bumanyiso omu maisho g’abantu. 31Abantu baikiriza; kandi ku baahuriire ngu MUKAMA ataayaayiire Abaisraeli, yaareeba okubonabonesibwa kwabo, bainika emitwe yaabo, baaramya.