Swahili Bible2

12

MUKAMA okuragiira eby’Okuhingurwaho

1MUKAMA yaagambira Musa na Arooni omu nsi ya Misri, ati: 212:2: Bir 16:1. Okwezi oku kuryababeera obutandikiro bw’ameezi; ahariimwe kuryaba okwezi kw’okubanza omu mwaka. 3Mugambire omutwe gwona ogw’Abaisraeli muti: Aha kiro kya ikumi eky’okwezi oku omuntu weena aryayetwarira omwana gw’entaama, nk’emiryango ya baishebo oku eri, buri ka omwana gw’entaama gumwe. 4Kandi eka ku eriba eri nkye, etarikubaasa kumaraho omwana gw’entaama gwona, nyineeka agukwatanise na mutaahi we ohereraine nawe, nk’obwingi bw’abantu oku buri; mubariirire omwana gw’entaama nk’okurya kwa buri muntu oku kuri. 512:5: 1 Pet 1:19. Omwana gw’entaama gwanyu ogwo guryaba empaya ehikize omwaka, etaine kamogo; muryagwiha omu ntaama nari omu mbuzi; 6muryagurinda okuhitsya ha kiro kya ikumi na bina eky’oku kwezi; aha kiro ekyo eihanga ryona ery’Abaisraeli baryagwita omu mwabazyo beeteeraine. 7Baryatwara aha shagama, bagimiisiire aha biti by’omuryango byombi n’aha kisasi ky’enju, ei bariguriiramu. 812:8: Kub 9:11. Omuri ekyo kiro baryarya enyama yaagwo eyokize hamwe n’omugaati ogutatumbisiibwe; kandi bagirye n’emboga ezirikushaarira. 9Mutarigirya mbisi, nari eteekire, kureka mugirye eyokize hamwe n’omutwe n’amaguru n’eby’omunda. 1012:10: Kur 23:18. Mutarigira eki mwatsigaho okuhitsya omu kasheeshe; ekiriba kyatsigaireho kyona, mukyokyeze kimwe. 11Oku nikwo murigirya; muryagirya mwezirikire, mujwaire enkaito, n’enkoni zaanyu muziine omu ngaro; muryagirya n’obwira. Okwo nikwo Kuhinguraho kwa MUKAMA; 1212:12: Kub 33:4. ahakuba ekyo kiro ndyaraba omu nsi ya Misri, nyite emijigaijo yoona ey’omuri egyo nsi, ey’abantu n’ey’amatungo; na baaruhanga boona aba Misri mpikiirize orubanja oru mbacwereire; Nyowe MUKAMA. 1312:13: Heb 11:28. Egyo shagama eryaba akamanyiso ahariimwe, akatairwe aha maju agu murimu; naanye ku ndireeba egyo shagama, ndyabahinguraho: ku nditeera ensi ya Misri, imwe timurihikwaho rufu rwona kubacwekyereza.

1412:14: 2 Bag 23:21. Kandi eryo izooba riryaba ery’okubaijutsya; muryaguma muriijukye, ribe obugyenyi ahari MUKAMA; omu busingye bwanyu bwona muryarigira eizooba ry’obugyenyi, gube omugyenzo ogubateereirweho ebiro byona. 1512:15: Bir 16:3; 1 Kor 5:7, 8. Muryamara ebiro mushanju nimurya emigaati etatumbisiibwe; kwonka aha kiro ky’okubanza mubanze mwihe ekitumbisa omu maka gaanyu; ahakuba omuntu weena orirya omugaati ogutumbisiibwe, okwiha aha kiro ky’okubanza okuhitsya aha kiro kya mushanju, omuntu ogwo aryacuubwa omu ihanga rya Israeli. 16Ahari ekyo kiro ky’okubanza muryagira okuteerana okurikwera, n’aha kya mushanju muryatwaza mutyo. Omuri ebyo biro hatarigira omurimo gwona ogwakorwa; kureka eby’okurya ebi omuntu ashemereire kurya, nibyo murikora byonka. 1712:17: Kur 13:3. Kandi muryaguma mwijukye obugyenyi bw’emigaati etatumbisiibwe; ahabw’okuba ahari ekyo kiro nikyo ndikwija kwihiraho amahe gaanyu omu nsi ya Misri; n’ahabw’ekyo muryaguma mwijukye ekyo kiro omu busingye bwanyu bwona, gube omugyenzo ogubateereirweho ebiro byona. 18Omu kwezi kw’okubanza, aha kiro kya ikumi na bina omu mwabazyo, muryarya emigaati etatumbisiibwe, okuhitsya aha kiro kya makumi abiri na kimwe eky’okwo kwezi omu mwabazyo. 1912:19: Kub 9:13. Omu biro mushanju ekitumbisa kyona kitarireebwa omu maka gaanyu; ahakuba omuntu weena orirya ekitumbisiibwe aryacuubwa omu ihanga rya Israeli, n’obu ariba ari omunyaihanga obashuhuukiiremu, nari enzaarwa. 20Mutarirya ekitumbisiibwe kyona; omu maka gaanyu goona mugume murye emigaati etatumbisiibwe.

Musa okuragiira Abaisraeli eby’Okuhingurwaho

2112:21: Yos 5:10; Luk 22:7. Bwanyima Musa yaatuma abakuru boona ab’Abaisraeli, yaabagira ati: Mwetooranire abaana b’entaama, nk’emiryango yaanyu oku eri, mubaite ahabw’obugyenyi bw’Okuhingurwaho; 22mutware enganda y’enyaweera, mugijabikye omu shagama eri omu rwabya, mugimiisiire aha kisasi n’aha biti by’omuryango; kandi hatarigira n’omwe omuriimwe owaaruga omu nju ye okuhitsya omu kasheeshe. 2312:23: Kush 7:3; Heb 11:28. Ahakuba MUKAMA aryaraba omuriimwe naija kuteera Abanyamisri; ku arireeba eshagama aha kisasi n’aha biti by’emiryango byombi, aryaraba ahaiguru y’orwo rwigi, kandi tariikiriza Muhwerekyerezi kutaaha omu maju gaanyu kubaita. 24Kandi muryaguma mwijukye eki, gube omugyenzo ogubateereirweho n’abaana baanyu ebiro byona. 25Kandi ku muriba mwahikire omu nsi ei MUKAMA aribaha nk’oku yaaraganiise, muryakora omugyenzo ogu ogurikwera. 2612:26: Yos 4:6; Zab 78:6. Bwanyima abaana baanyu ku baribabuuza bati: Ogu mugyenzo, ogu murikukora, nigumanyisa ki? 27Naimwe muryabagarukamu muti: N’ekitambo ky’Okuhinguraho kwa MUKAMA, ahakuba akahingura ahaiguru y’amaju g’Abaisraeli omuri Misri, obu yaita Abanyamisri, akakiza amaka gaitu. Abantu bainika emitwe yaabo, baaramya. 28Abaisraeli baagyenda, baakora batyo; nk’oku MUKAMA yaaragiire Musa na Arooni, baaba nikwo baatwaza.

Ekibonaboneso kya ikumi, okwita emijigaijo

2912:29: Kub 8:17; Isa 37:36. Ku bwabaire buri omu itumbi, MUKAMA yaita emijigaijo yoona omu nsi ya Misri, okwiha aha mujigaijo gwa Faraho, owaabaire ari aha ngoma okuhika aha mujigaijo gw’enkwatwa, eyaabaire eri omu kihome, kandi n’emijigaijo yoona ey’amatungo. 3012:30: Yak 2:13. Ahonaaho Faraho n’abaheereza be boona n’Abanyamisri boona baimuka nyekiro; haabaho okuborooga kuhango omuri Misri, ahabw’okuba tiharabaireho nju yoona etarafiiremu muntu. 31Yaatuma Musa na Arooni ekyo kiro, yaabagira ati: Mwimukye, murugye omu bantu bangye, imwe n’Abaisraeli; mugyende muheereze MUKAMA nk’oku mwagambire. 32Kandi mutware amasyo gaanyu ag’entaama n’ag’ente, nk’oku mwagambire, mwegyendere; naanye munshabire omugisha.

3312:33: Zab 105:38; Kut 20:3. Abanyamisri baateera Abaisraeli obwira, ngu babone kubarahutsya kuruga omu nsi; ahakuba bakagira bati: Twena twafiire! 34Abaisraeli baatwara eisyanga ryabo ritakatumbisiibwe, baakoma ebintu byabo eby’okugoyeramu emigaati omu minagiro yaabo, baabyekorera aha mabega. 35Baakora nk’oku Musa abaragiire; baashaba Abanyamisri ebintu by’efeeza n’eby’ezaabu n’eby’okujwara. 3612:36: Kut 15:14; Kur 3:22. MUKAMA yaaha abantu okukundwa Abanyamisri, baikiriza kubaha ebi baabaire nibabashaba byona. Okwo nikwo baanyagire Abanyamisri.

Abaisraeli okutandika orugyendo rwabo

37Abaisraeli baaruga Rameseesi, baahika Sukoosi, abashaija nk’obusiriira mukaaga nibagyendesa ebigyere, otabariiremu bakazi n’abaana. 38Kandi omutwe muhango gw’ebijwangye by’abantu bainamuka, baagyenda nabo n’amatungo maingi munonga g’entaama n’ag’ente. 3912:39: Kur 6:1. Baateeka emigaati etatumbisiibwe omu isyanga eri baihire Misri, ahakuba rikaba ritatumbisiibwe; ahabw’okuba bakabingwa omuri Misri, tibaabaasa kwetwara n’obu kwakuba okwekomera entanda.

4012:40: Kut 15:13. Emyaka ei Abaisraeli baamazire omuri Misri bashuhuukire, ekaba eri magana ana na makumi ashatu. 41Aha kiro eki egyo myaka magana ana na makumi ashatu yaahikiireho, ahari ekyo kiro kyonka amahe goona aga MUKAMA gakaruga omuri Misri. 42Ekyo kiro nikyo MUKAMA yaaraire naareeba abantu be, ngu abone kubaiha omu nsi ya Misri; n’ahabw’ekyo ekiro ekyo kishemereire kwijukwa Abaisraeli boona ahari MUKAMA omu busingye bwabo bwona.

Ebindi ebiragiro by’Okuhingurwaho

4312:43: Kub 9:14. MUKAMA yaagambira Musa na Arooni ati: Ogu nigwo mugyenzo ogutairweho ahabw’Okuhingurwaho. Omunyaihanga tariikirizibwa kukuryaho; 44kwonka omuhuuku weena oguzirwe empiiha naikirizibwa kukuryaho, mwaherize kumushara. 4512:45: Lev 22:10. Omushuhuuki n’orikukorera ebihembo tarikwikirizibwa kukuryaho. 4612:46: Zab 34:20; Yoh 19:33. Kuryaguma kuriirwe omu nju emwe; otarishohoza akanyama koona aheeru y’enju; kandi mutarihenda eigufa ryayo. 47Eihanga ryona ery’Abaisraeli riryaguma rikwijukye. 48Omunyaihanga ku ariija kutuura naimwe, yaayenda kukwatanisa naimwe omu bugyenyi bw’Okuhingurwaho ahari MUKAMA, oyetwa omushaija weena omuribo asharwe, abone kwija kubutaaha; obwo aryaba nk’enzaarwa omu nsi yaanyu; kwonka omuntu weena otashazirwe atariburyaho. 4912:49: Gal 3:28. Enzaarwa n’omunyaihanga obatwiremu baryategyekwa ekiragiro kimwe.

50Okwo nikwo Abaisraeli boona baakozire; nk’oku MUKAMA yaaragiire Musa na Arooni, nikwo baatwarize. 5112:51: Byak 7:36. Ahari ekyo kiro kyonka MUKAMA akaiha Abaisraeli omu nsi ya Misri, nk’oku amahe gaabo gaabaire gari.