Swahili Bible2

1

Okukanya kw’Abaisraeli omuri Misri, n’okubonabonesibwa kwabo

11:1: Kut 46:8. Aga nigo maziina ga batabani ba Israeli abaizire omuri Misri na Yakobo, buri muntu n’eka ye. 2Reubeeni, Simeoni, Leevi, Yuda, 3Isakaari, Zebuluuni, Benyamiini, 4Daani, Nafutaali, Gaadi na Asheri. 5Abantu boona abaarugire omu nda ya Yakobo bakaba bari makumi mushanju kwonka Yosefu we akashangwa ari omuri Misri. 6Bwanyima Yosefu yaafa na beene ishe boona, n’ab’omu busingye obwo boona.

71:7: Zab 105:24. Abaisraeli baazaara, baayeyongyera munonga, baakanya, baaba ab’amaani maingi munonga; n’ahabw’ekyo baijura ensi. 8Bwanyima haayema omugabe musya omuri Misri, owaabaire atarikumanya Yosefu. 9Yaagira abantu be ati: Reeba, Abaisraeli ni baingi kandi n’ab’amaani okutukira; 101:10: Byak 7:19. mwije tubacwere obwengye, barekye kukanya; nyentsya tukiguubwaho orugamba, bakeeteerana n’abazigu baitu, bakaturwanisa, bakacwa, bakaruga omuri omuri egi nsi. 111:11: Kur 3:7. Nikyo baabateereireho abanyampara, ngu babareebese enaku nibabeekoreza emitwaro erikuremeera. Baayombekyera Faraho endembo z’okuhunikamu, Pisomu na Ramaseesi. 12Kwonka ei baagarukiire kubabonabonesa, nabo niyo baagarukiire kukanya n’okubuga hoona. Ekyo kyareetera Abanyamisri kugira obwoba bwingi ahabw’Abaisraeli. 13Abanyamisri baakoresa Abaisraeli emirimo y’amaani; 141:14: Kur 2:23; 22:21; Byak 7:19, 34. baabatamisa amagara gaabo ahabw’okubakoresa emirimo y’obuhuuku, nibabakaatisa obudongo n’okubabumbisa amatafaari, kandi baabakoresa emirimo y’emiringo yoona omu misiri; buri murimo gwona ogu baabaire babakoresa, baagubakoresa n’amaani.

15Bwanyima omugabe wa Misri yaagambira abazaarisa b’Abaheburaayo, omwe orikwetwa Shifira, n’ondiijo orikwetwa Pua; 16naagira ati: Ku muraabe nimuzaarisa Abaheburaayokazi, mwareeba bari aha butebe oburikuzaarirwaho, haazaarwa omwojo, mumwite; ku araabe ari omwishiki, agumeho. 171:17: Dan 3:16, 18; Byak 5:29. Kwonka abazaarisa baatiina Ruhanga, tibaakora nk’oku omugabe wa Misri abaragiire, baaguma kureka abaana b’aboojo bahuriire. 18Omugabe wa Misri yaayeta abazaarisa, yaababuuza ati: Ahabw’enki mukozire muti okureka abaana b’aboojo bakagumaho? 191:19: Yos 2:4. Abazaarisa baagarukamu Faraho bati: Manya Abaheburaayokazi tibari nk’Abanyamisrikazi, ahakuba baine amaani, omuzaarisa ku aza kwija, ashanga baazaire. 201:20: Mub 8:12; 2 Sam 7:27, 29; 1 Bag 11:38. N’ahabw’ekyo Ruhanga yaakorera gye abo bazaarisa; eihanga ry’Ahaheburaayo ryakanya, ryaba ery’amaani maingi. 21Kandi abo bazaarisa ahabw’okutiina Ruhanga, yaabaha oruzaaro, baarugwamu enganda. 22Bwanyima Faraho yaaragiira abantu be boona ati: Buri mwojo weena oraazaarwe Omuheburaayokazi, mumunagye omu mugyera; kwonka omwishiki weena agumeho.