Swahili Bible2

1

Ba Isiraeli bataambisibwila mu Misiri

11.1: Rak 46.8-27Yakobo n’atsya i Misiri, abe umwaana weewe Yusufu waamenyayo khaale. Kamasina ke babaana ba Yakobo beesi aatsya ni nabo i Misiri, nga buli mutweela atsya ni be muntsu yeewe niko kano: 2Rewubeni, Simoni, Levi ni Yuda, 3Isakaari, Zebuluni ni Benyamini, 4Dani, Nafutali, Gadi ni Asheri. 5Atweela baaba babaana ni babetsukhulu ni bisoni bya Yakobo, boola babaandu kamakhumi musaafu.

6Lwanyuma lwayo, Yusufu waafwa ni babandaaye beene boosi, ni babaandu babaaba mu muboolo ukwo nabo baafwa. 71.7: Bur 7.17Ne lisaaye lye ba Isiraeli lyaasaalana naluundi lyaabalaaha luukali, baryo baamalatana mu Misiri mwoosi.

81.8: Bur 7.18Lwanyuma lwe kimiiko kimikali, Misiri yaafuna umuyiinga umuyaakha, abe ukhaamanyakho ibyo byeesi Yusufu aakholela Misiri ta. 9Kila umuyiinga tsana alomela ba Misiri ari, “Bona ba Isiraeli bano baasaalanile naabi, naluundi balikho beekyela be kamaani naabi khuukhuminyisa ifwe. 101.10: Bur 7.19Ifwe ni khubalekha busa khuryo khwaalekha khubakholakho shiindu shoosi ta, banabalaaha naabi. Ne lwanyuma kane uri buusoolo bubalukhawo akari eefwe ni baasiku beefwe, banyala baatubaanila atweela ni baasiku beefwe, shiryo shibanyalise khukhwilukha khukhwaama khu liloba lyeefwe batsye.”

11Ni nashiryo ba Misiri baarakho abo abe babaraambisa ba Isiraeli kimilimo kye buukulwa, khuubawa kimilimo kimisiro, nga bakana babamalemo kamaani. Baabamiinilisa khukhwoombekhela Faraawo biriimba bibili, nga nibyo Pisomu ni Ramusesi. 12Ne she khukhwiyaanga, indi ikhaba nga baabamiinilisa naabi baryo, ne ba Isiraeli beloosela busa khuubalaaha baasalanila ni mu bibala bibiindi. Ni khulwe ilomo yino, ba Misiri baabiyila naabi ba Isiraeli ni khuuminyisakho amataayi. 13Ni nashiryo baabalakila khuuraamba ni kamaani khuuminyisakho amataayi, 14waakila ni kumutaambo kwaabawaamba. Baabawaamba ni kamaani khuubuumba kamatofwaali, ni khuuroka buutosi, ni khuuraamba mu mikuunda kye ba Misiri.

15Ari kila umuyiinga alaanga bakhasi ba Misiri babasaalisa ba Isiraeli, nga babili khu bakhasi bano baaba nibo Shifura ni Puwa. 16Waabalomela ari, “Ni muba nga mulikho musaalisa bakhasi ba Isiraeli, ne mwaabona nga waasaalile umukhaana, mulekha atsowe, ne nga mwaaboone muri waasaalile umusiinde, uyo mwiira!”

17Ne bakhasi babasaalisa bano abe nibo bali babaandu babesaaya Wele, ni nashiryo baalekha khukhwiira babaana besiinde, nga umuyiinga abe n’abalakila ta. 18Kila umuyiinga abalaanga luundi waabareeba ari, “Shiina kila mukhakhola sheesi ise nabalomela khuukhola? Shiina kila mukhali khukhwiiraka babaana besiinde?” 19Kila bakhasi bano beelamo umuyiinga bari, “Bakhasi ba Isiraeli sibali nga bakhasi ba Misiri ta. Nibo basaala khaangu naabi, nashiryo ifwe nga khushiili khutsya khwoolayo isi bali ta, khunyoola nga basaalile khaale.” 20Ni nashiryo Wele waawaambila bakhasi babasaalisa bano shiisa, 21aryo waabawa lisaaye lye babaana baakali. Ne ba Isiraeli beloosela busa mu bukali. 221.22: Bur 7.19Khukhwoolela ilala ikhumaliilisa, umuyiinga wa Misiri waalakila babaandu beewe boosi ari, “Buli umwaana uwesiinde isi ba Isiraeli basaala, muli ni khuumuwaamba mumutuume mu luutsi Nayilo! Ne bekhaana mubalekhe batsowe.”